लन्डन । अक्सफोर्ड विश्वविद्यालयका बैज्ञानिकले चालक बिना नै सञ्चालन हुने
कार बनाएका छन । यस स्वचालीत कारलाई एउटा ट्याबलेट कम्प्युटरको सहायताले
सञ्चालन गर्न सकिन्छ । कारलाई दैनिक हिडने बाटोमा बिमानमा जस्तै अटो ड्राइभ
मोडमा सेट गरिने छ । यसले गर्दा गाडिमा यात्रा गर्ने मानिस बिना कुनै
चिन्ता अफिसबाट घरमा वा घरबाट अफिस पुग्न सक्ने छन । कम मूल्यको नेभिगेशन
सिस्टम, सानो क्यामरा र लेजर किरणको सहायताले कारले सडकका आसपास रहेका
चिन्ह वा संकेतलाई छुट्याउन सक्नेछ । सडकमा कुदिरहेको बेलामा कारमा सडकको
नक्सा तैयार हुँदै जान्छ र यसमा जोडिएको कम्प्युटरमा यसको नक्सा दर्ता हुदै
जान्छ , यसको मद्दतले कारले कुनै निर्देशन बिना नै अटो ड्राइभ मोडमा सेट
गरेको ठाउँसम्म पुरयाउँछ ।
अक्सफोर्ड विश्वविद्यालयका प्रोफेसर पल न्युमनले गत शुक्रबार पहिलो पटक
सडकमा यो कारलालाई चलाएर सबैलाई चकित पारेका थिए । उनले यो कारलाई अझ सस्तो
र प्रविधियुक्त कारको रुपमा विकास गर्ने बताए ।