लमजुङमा
एक १३ बर्षिया बालिकाले बच्चा जन्माएकी छिन्। लमजुङ खुदी गाउँ विकास समिति
घर भएकी सो बालिका स्थानीय एक विद्यालयमा कक्षा ६ मा पढ्दैछिन् । बालिकाले
पेट दुखेको भनेपछि परिवारले टेलिमेडिको अस्पतालको खुदीस्थित शाखा
कार्यालयमा भर्ना गर्न ल्याएको थियो । उपचारमा संलग्न डाक्टरले बालिकाको
पेटमा बच्चा रहेको थाह पाएपछि सामान्य अवस्थामा सुत्केरी गराईएको अस्पतालका
निर्देशक डाक्टर रबी गुरुङले बताए ।
आमाको स्वास्थ्य सामान्य
रहेपनि बच्चाको अवस्था भने जटिल रहेको परिवारले बताएको छ । करिब ७ महिनामा
जन्मिएको बच्चाको तौल झण्डै १ किलो रहेको छ । आमा र बाच्चालाई थप उपचारका
लागि चितवन लगिएको छ ।
उक्त बालिकाका पति र नवजात शिशुको बाबुलाई चितवनबाट बालिकाका आफन्तले नियन्त्रणमा लिएका छन् । उनी मात्र १७ वर्षका छन् ।
एक पटकपनि महिनावारी नभएको छोरी अचानक आमा बन्दा परिवार छक्क परे । बालिकाकी आमाले आफ्नो छोरी गर्भवती रहेको थाह नभएको दावी गरिन् ।
